ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ສກມ ໄຊເສດຖາ ສອບເສັງຄັດເລືອກນັກຮຽນເກັ່ງຊັ້ນປະຖົມ ຂັ້ນເມືອງ.

s11 n

 

ສກມ ໄຊເສດຖາ ສອບເສັງຄັດເລືອກນັກຮຽນເກັ່ງຊັ້ນປະຖົມຂັ້ນເມືອງ. 

 

 

 

 

seng2 n

ຫ້ອງການສຶກສາທິການ ແລະ ກິລາ ເມືອງ ໄຊເສດ, ແຂວງ ອັດຕະປື ຈັດພິທີແຂ່ງຂັນສອບເສັງນັກຮຽນເກັ່ງ ຊັ້ນປະຖົມສຶກສາທົ່ວ ເມືອງ ເພື່ອຄັດເລືອກເອົາຕົວແທນ ນັກຮຽນເກັ່ງເຂົ້າຮ່ວມແຂ່ງຂັນ ສອບເສັງນັກຮຽນເກັ່ງ ຊັ້ນປະຖົມຂັ້ນແຂວງ ປະຈຳສົກຮຽນ 2018-2019 ທີ່ຈະໄດ້ຈັດໃຫ້ມີຂື້ນໃນມໍ່ໆນີ້ ແລະ ທັງເປັນການປະເມີນຜົນການຈັດຕັ້ງປະຕິບັດ ການຮຽນ - ການສອນ ຂອງຄູ - ອາຈານ ແລະ ນ້ອງນັກຮຽນ ລວມທັງຜູ້ບໍລິຫານການສຶກສາທຸກຂັ້ນ ພາຍໃນເມືອງ, ແນ່ໃສ່ ເພື່ອປັບປຸງ, ຍົກສູງຄຸນນະພາບການສຶກສາແລະ ກິລາໃຫ້ມີຄຸນນະພາບສູງຂື້ນ ຕາມ 3 ລັກສະນະ ແລະ 5 ຫລັກມູນ ແລະ 3 ຂໍ້ແຂ່ງຂັນຂະແໜງການສຶກສາ ທີ່ກະຊວງສຶກສາທິການ ແລະ ກິລາໄດ້ວ່າງອອກ. ການສອບເສັງດັ່ງກ່າວ ໄດ້ຈັດຂື້ນ ໃນຕອນເຊົ້າທີ 1 ກຸມພາ 2019 ນີ້ ທີ່ໂຮງຮຽນປະຖົມບ້ານ ຝັ່ງແດງ ເມືອງ ໄຊເສດຖາ ໂດຍພາຍໃຕ້ການເປັນປະທານ ຂອງ ທ່ານ ນ ພູສີມະນີວົງ ຄະນະຫ້ອງການສຶກສາທິການ ແລະ ກິລາເມືອງ, ມີພະນັກງານຄູ - ອາຈານ -ວິຊາການທີ່ກ່ຽວຂ້ອງ, ພ້ອມນ້ອງນັກສອບເສັງຈໍານວນ 81 ນ້ອງ ຈາກໝວດໂຮງຮຽນປະຖົມ 27 ແຫ່ງໃນທົ່ວເມືອງເຂົ້າຮ່ວມຢ່າງຄົບຖ້ວນ.ການສອບເສັງຄັ້ງນີ້ ປະກອບມີ 3 ວິຊາສອບຄື: ວິຊາ ພາສາລາວ, ຄະນິດສາດ ແລະ ໂລກອ້ອມຕົວ ເຊິ່ງແຕ່ລະໝວດໂຮງຮຽນມີນັກສອບເສັງທີ່ຖຶກຄັດເລືອກ ສົ່ງເຂົ້າຮ່ວມ ວິຊາລະ 1 ຄົນ.
 

ບົດຂ່າວໂດຍ: ໄຊສະນະ ພົມວິຫານ

ລົງເວັບໂດຍ: ອຸໄລວັນ ດວງບຸບຜາ